الثلاثاء - 19 مارس 2019 - الساعة 01:01 ص
واحد سرقوا عليه تيس .. وبعدين كان جالس هو ومجموعه من الجيران يتسامروا..
صاحب التيس تذكر التيس حقه اللي انسرق..
قال. لعنه الله على ابوه اللي سرق تيسي..
قفز واحد من اللي جالسين.. وبزعل..
لاتلعن ابوه.. احترم نفسك..
ياي مالك ايش دخلك انته
لا لا بس يمكن يكون ابوه ميت . حرام يلعنه وهو ميت..
جلس قليل صاحب التيسِ. قال
_الف لعنه على ابوه لاقبره دي سرق تيسي..
_ والله لو عادك لعنت ابوه لا اكسر راسك.
_ مالك ايش دخلك ياخي. بالعن ابوه واللي خلفوه..
جلس قليل..
رجع . وقال. الان شوفونا باعرعر. عرعره عيفه.فوق اللعن..
اللي كانوا جالسين . قالوا يالله كل واحد يروح بيته خايفين لاعد تحصل مشكله..
صاحب التيس . داح جاب مكرفون من حق اصحاب البطاط. . وجلس. وبالمكرفون.يلعن ابو اللي سرق التيس حقه..
شويه الا وقد التيس حقه جا لاعنده..
ربطه.. ورجع يقول..
لعنه الله على ابوه لاقبره اللي سرق تيسي ورجعه..
سمعوه اصحاب الحاره وخرجوا وشافوا التيس رجع..
قام واحد ثاني اخذ المكرفون..
لعنه الله على ابوه اللي سرق الكبش حقي قبل شهر..
وكرر اللعن..
شويه الا وقد في كبش جاي يسير لاقداهم.
ولما قرب عرفه طلع الكبش حقه..
قام واحد ثالث. واخذ المكرفون.
ثم واحد رابع ثم واحد خامس
ثم سادس . .وقد في طابور طويل منتظرين دورهم ياخذوا المكرفون
المهم السادس قال لعنه الله على ابوه وعلى امه اللي سرق بطاريه سيارتي قبل سنه..
شويه الا وقد اللي زعل اول مره من صاحب التيس يكلمهم. بمكرفون من الجبا حق بيته ويقول لهم..
لو سمحتوا خلاص سجلوا كل الحاجات اللي انسرقت منكم.. وبارجعها لكم...
لعنه الله على ابوه. اللي سرق البطاريه حق سيارتي. قبل سنه.
